تابعنا على الفيس بوك

السبت، 9 مايو 2015

((( بلادي وان جارت عليّ عزيزةٌ .... واهلي وان شحـوا عليّ كرامُ ... )))

البارحه واني راجع من الدوام ..
لگيت افواج مال جنود او حشد شعبي ما اعرف بالضبط .. جاي يمشون راجلآ قرب ساحة عباس بن فرناس ..
يردون الناس تصعدهم وياهم وايعبروهم شارع المطار بكل وسيله
فـ وگفت صعدت 4 شباب بسيارتي گالولي انسوي عليك زحمه
گلتلهم صدك جذب عمي اشيلكم على راسي 
فـسألت الي گاعد يمي بالصدر ..
گـتله _ انتم ليش تمشون مشي ماكو سيارات توصلكم مثلآ
گال _ الآمر ميخلي اهل الباصات ايوصلونه لمكان معيّن ايگـول احنه ما مسؤلين عليگم ؟!
گـتله _ ليش انتم شنو ؟؟
گـال احنه بالحشد الشعبي ونزلنه ويه الجنود واحنه من اهل الناصـريه !
گـتله ع الراتب جاي ينطوكم لو لا ؟؟
گـلي وداعت نظر عيني و روح أمي بس 400 الف انطونه من الفتوى مال السيد لليوم ؟؟؟ واني صاحب جهال وعندي 3 بنات ومهندس بنفس الوقت !!! وبس تخلص اجازتي ارجع للجهاد ان شاء الله !!
گـتله خويه _ لا سياره توصلكم و ولا راتب _ وعندك شهاده ومحد معيّنك ويمكن صارلك شهر ما شايف النوم ؟! شعندك راجع _ ابقى ابيتك احسن !!؟
گـلي _ خويه من حقك تنقهر عليه بس اني اگلك هذا البيت الشعري وانهي موضوعك !!
((( بلادي وان جارت عليّ عزيزةٌ .... واهلي وان شحـوا عليّ كرامُ ... )))
هيچ نماذج تخجل الحايط تستحق ان تقبل بساطيلهم ويستنكفون اهل الكروش العفنه والفخامات ان يوفرو لهم ابسط حقوقهم
شكرا للصديق جعفر المحمداوي

مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)