المنشورات الطائفية..

المنشورات الطائفية.. كلش مفيدة.. يبين بيها ذكاء الشخص.. انشر صورة لسيارة... كول هاي السيارة مفخخة وتم تفكيكها.. وكول اللزكة الي بيها علامة تحذيرية للسنة حتة يبتعدون عنها.. رح تلكة هواي تسوي مشاركة.. وهواي تسب وهواي تشتم.. بدون حتة متطلب منك دليل.. والمشكلة انو انت ضام الرقم حتة لتنكشف كذبتك.ارجع مرة ثانية.. انشر صورة طفل.. كول هذا الطفل التكريتي قتل بقصف الانجاس الصفويين.. رح تلكة هواي مشاركات.. وهواي سب.. وهواي شتم.. بدون ميطلبون منك دليل.. بينما الصورة لطفل سوري مقتول.هاي الصور.. اختبار لذكائك.. وقدراتك العقلية.. ومدى امكانية الطائفية التاثير عليك.. حاول تكون ذكي.. حاول لتصير قشمر.. ترة اكو بمكان ما.. واحد عمر 17 سنة.. ضام وجهة من ابو الانترنت لان الالفين دينار مالتة خلصن.. وديدور على صورة ينشرها.. وزواج يروجولها.. تقبلها على نفسك.. تصير القشمر مالتة؟* الصورة لمسدس خارق للدروع.. محرم استعماله دوليا.. قادر على اسقاط الطائرات.. ويعتبر من اسلحة الدمار الكامل (مو الشامل).. ويعتقد ان امتلاكه من قبل الداعشيين والداعشيات كان سببا بسقوط محافظة الرقة السورية.. ومدينة اجويرة العراقية.